പാലാരിവട്ടം: പാലാരിവട്ടം സെന്റ് ജോൺ ദി ബാപ്റ്റിസ്റ്റ് പള്ളിയിൽ വിശുദ്ധ യൗസേപ്പിതാവിന്റെ തിരുനാളിന് തുടക്കമായി. വികാരി ഫാ. ജോജി കുത്തുകാട്ട് കൊടിയേറ്റി, ദിവ്യബലിയർപ്പിച്ചു. തിരുനാൾ ദിനങ്ങളിൽ വൈകിട്ട് അഞ്ചോടെ തിരുകർമങ്ങൾ ആരംഭിക്കും.
സമാപനദിനമായ 19ന് രാവിലെ ഒന്പതിന് ആഘോഷമായ ദിവ്യബലി, പ്രദക്ഷിണം തുടർന്ന് നേർച്ചസദ്യ. മൂന്നിടങ്ങളിലായാണ് നേർച്ച സദ്യ നൽകുന്നത്. പാലാരിവട്ടം സെന്റ് ജോൺ ദി ബാപ്റ്റിസ്റ്റ് പള്ളിയിലും തമ്മനം സെന്റ് ജോസഫ് ചാപ്പലിലും കാരണക്കോടം സെന്റ് സെബാസ്റ്റ്യൻ പള്ളിയിലുമായി ഏകദേശം 12,000 പേർക്കാണ് നേർച്ചസദ്യ ഒരുക്കിയിരിക്കുന്നത്. വൈകിട്ട് 5.30ന് ദിവ്യബലിയോടെ കൊടിയിറങ്ങും.
വടക്കേക്കോട്ട സെന്റ് ജോസഫ് പള്ളിയിൽ
തൃപ്പൂണിത്തുറ: വടക്കേക്കോട്ട സെന്റ് ജോസഫ് പള്ളിയിൽ വിശുദ്ധ യൗസേപ്പിതാവിന്റെ തിരുനാൾ ഇന്ന് തുടങ്ങും രാവിലെ 6.30ന് കുർബാന, വൈകിട്ട് അഞ്ചിന് പ്രസുദേന്തി വാഴ്ച്ച, പള്ളി ചുറ്റി പ്രദക്ഷിണം തിരുനാൾ കൊടിയേറ്റം, ആറിന് കുർബാന, നൊവേന.
നാളെ രാവിലെ ആറിനും 7.30നും 10.45നും വൈകുന്നേരം 3.30നും അഞ്ചിനും 6.30നും കുർബാന, നൊവേന ആരാധന.19ന് രാവിലെ ആറിന് കുർബാന. തുടർന്ന് ഊട്ടു നേർച്ച ആശീർവാദം മോൺ. മാത്യു ഇലഞ്ഞിമിറ്റം കാർമികത്വം വഹിക്കും. 7.30ന് കുർബാന, 10.45ന് ആഘോഷമായ തിരുനാൾ കുർബാന, പ്രസംഗം, വൈകുന്നേരം 3.30നും അഞ്ചിനും 6.30നും കുർബാന, നൊവേന, ആരാധന.
തൃപ്പൂണിത്തുറ സെന്റ് മേരീസ് ഫൊറോന പള്ളിയിൽ
തൃപ്പൂണിത്തുറ: തൃപ്പൂണിത്തുറ സെന്റ് മേരീസ് ഫൊറോന പള്ളിയിൽ വിശുദ്ധ യൗസേപ്പിതാവിന്റെ മരണത്തിരുനാളിന് നാളെ കൊടിയേറും. രാവിലെ 5.30ന് കുർബാന, 6.30ന് കുർബാന തുടർന്ന് തിരുനാൾ കൊടിയേറ്റ്, ലദീഞ്ഞ്. വൈകിട്ട് ആറിന് കുർബാന, നൊവേന.
19ന് തിരുനാൾ ദിനത്തിൽ രാവിലെ 5.30നും 6.30നും കുർബാന, ഒന്പതിന് ഫാ. ജോസ് മണ്ടാനത്തിന്റെ കാർമികത്വത്തിൽ ആഘോഷമായ തിരുനാൾ കുർബാന, പ്രസംഗം. തുടർന്ന് പ്രദക്ഷിണം. 11ന് നേർച്ചസദ്യ വെഞ്ചരിപ്പ്, തുടർന്ന് നേർച്ചസദ്യ വിതരണം. ഉച്ചയ്ക്ക് 12നും വൈകിട്ട് ആറിനും കുർബാന. തിരുനാൾ ചടങ്ങുകൾക്ക് വികാരി ഫാ.ജോസഫ് താമരവെളി, അസി.വികാരി ആന്റണി പള്ളിപ്പാട്ട്, ഫാ.ആന്റണി മഴുവഞ്ചേരി, തിരുനാൾ കമ്മിറ്റി പ്രസിഡന്റ് റോണി ജോൺ കാളിയാവുങ്കൽ എന്നിവർ നേതൃത്വം നൽകും.
കുമ്പളങ്ങി സെന്റ് ജോസഫ് പള്ളിയിൽ
കുമ്പളങ്ങി: കുമ്പളങ്ങി സെന്റ് ജോസഫ് പള്ളിയിൽ വിശുദ്ധ യൗസേപ്പിതാവിന്റെ തിരുനാൾ നാളെ ആരംഭിച്ച് 22 ന് സമാപിക്കും. നാളെ രാത്രി ഏഴിന് വികാരി ഫാ. ആന്റണി നെടുംപറമ്പിൽ കൊടി ആശീർവദിക്കും. തുടർന്ന് ദിവ്യബലി. നേർച്ചസദ്യ വിഭവങ്ങളുടെ പാചകത്തിനാവശ്യമായ തീർഥത്തിന്റെ വെഞ്ചരിപ്പുകർമവും നടക്കും.
സമാപന ദിവസമായ ഞായറാഴ്ച വൈകിട്ട് നാലിന് നടക്കുന്ന സമൂഹ ദിവ്യബലിക്ക് ബിഷപ് ഡോ. ആന്റണി കാട്ടിപ്പറമ്പിൽ മുഖ്യകാർമികനാകും. 19 ന് 5,000 പേർക്കുള്ള നേർച്ചസദ്യയും ഒരുക്കുന്നുണ്ടെന്ന് കൺവീനർ സാൽവിൻ തത്തമംഗലത്ത് അറിയിച്ചു. 2,000 ടിൻപായസവും തയാറായിട്ടുണ്ട്.